कहिले होला नेपालमा यस्तो ?

अन्तर्राष्ट्रिय क्रेडिट युनियन दिवस (आइसीयू डे) का अवसरमा आयरल्याण्डका राष्ट्रपतिले बचत ऋण सहकारीकर्मीहरुसँग भेट गरी मुलुकको विकासमा क्रेडिट युनियनहरुको भूमिकाका बारेमा छलफल गर्नुभएको छ ।

आइरिस राष्ट्रपति माइकल डि हिगिङ्ग्सले हिजो राष्ट्रपतिको निजी निवास एवम् प्रशासनिक कामहरु गर्ने मुख्य भवन अरास अन् उवाच्टेरियनमा मुलुकका क्रेडिट युनियनहरुको एक मात्र अभिभावक निकाय आइरिस लीग अफ क्रेडिट युनियन (आइएलसीयू) का प्रतिनिधिहरुलाई बोलाई मुलुकमा समतामूलक समाज निर्माणमा क्रेडिट युनियनहरुले खेलेको भूमिका बारे खुलेर प्रशंसा गर्नुभएको थियो ।

अन्तर्राष्ट्रिय क्रेडिट युनियन दिवसको अवसरमा नेपालमा कुनै पनि औपचारिक कार्यक्रम भएन । नेपालको बचत तथा ऋण सहकारी अभियान अभिभावक संघ नेफ्स्कूनले शुभकामना सन्देश मात्र प्रकाशित गर्यो ।