शर्मिला ठकुरीलाई सहकारी बैंक पत्रकारिता पुरस्कार

काठमाडौं : पत्रकार शर्मिला ठकुरी `सहकारी बैंक पत्रकारिता पुरस्कार´बाट सम्मानित हुनुभएको छ ।

राष्ट्रिय सहकारी बैंकको १९औं वार्षिकोत्सवका अवसरमा मगंलबार आयोजित कार्यक्रममा अर्थमन्त्री जनार्दन शर्माबाट ठकुरी सम्मानित भएकी हुन्।

सहकारी क्षेत्रको समाचार संकलन र सम्प्रेषणमा उल्लेखनीय योगदान गरी सहकारी विकास, प्रवर्द्धन र सामाजिक रूपान्तरणमा योगदान पुर्‍याएको भन्दै बैंकले उनलाई सम्मान गरेको हो । राष्ट्रिय सहकारी बैंकले हरेक वर्ष पत्रकारिता पुरस्कार प्रदान गर्दै आएकाे छ ।

ठकुरी नेपाल सहकारी पत्रकार समाजकी कोषाध्यक्षसमेत रहुनभएकाे छ । उहाँ हाल नेपाल समय अनलाइनमा आवद्ध छन् ।