नेपालमै पहिलो पटक सहकारीमा कियोस्क बैंकिङ सेवा
काठमाडौं : अब सहकारी संस्थाहरुमा कर्मचारीरहित कियोस्क मेशिनबाट २४ सै घण्टा बचत गर्न सकिने भएको छ । अब सहकारी संस्थामा साना साना रकम जम्मा गर्नको लागि पनि सदस्यहरुले काउन्टरसम्म आउन नपर्ने भएको छ । एम बैंक र प्रभु टेक्नोलोजीको सहकार्यमा जुनसुकै समयमा कियोस्क टर्मिनलमा गएर सहकारीको खातामा रकम जम्मा गर्न सकिने भएको हो ।
कियोस्क टर्मिनल कर्मचारी रहित सेवा हो । संस्थाले आफ्नै कियोस्क टर्मिनलमार्फत र देशभरी रहेका प्रभु टेक्नोलोजीले सञ्चालनमा ल्याएका कियोस्क मेशिनहरुबाट सहकारीका सदस्यहरुले आफ्नो खातामा बचत जम्मा गर्न र ऋण भुक्तानी गर्न सक्ने सुबिधा एम बैंकले सहकारीमा ल्याएको छ । हाल ५ सय सार्वजनिक स्थल जस्तैः अस्पतालहरु, सपिङ मल, स्कुल, एरपोर्ट र विभिन्न पसल हरुमा प्रभु टेक्नोलोजीका कियोस्क टर्मिनलहरु छन् । उक्त टर्मिनलहरुबाट सहकारीका सदस्यले सहजै आफ्नो खातामा पैसा जम्मा गर्न सक्नेछन् ।
आइतबार चन्द्रागिरि साकोस र प्रभु टेक्नोलोजी बीच एक सम्झौता पत्रमा हस्ताक्षर गरी सेवाको सुरुवात गरेको एम बैंकका सञ्चालक तथा मुख्य व्यवसाय प्रमुख संजय महासेठले जानकारी दिनुभयो ।
सदस्यहरुले कियोस्क मेशिनमा गई स्क्रिनमा आफ्नो खाता नं टाईप गरिसकेपछि आफुले चाहेको रकम उक्त मेशिनमा छिराए पछि मेशिनले सदस्यलाई नगद जम्मा भएको भौचर प्रदान गर्नेछ । उक्त मेशिनमा नेपाली नोटहरु पहिचान गर्ने प्रविधि जडान गरिने भएकोले सहज तरिकाबाट रकम जम्मा गर्न सकिने अवस्था सृजना हुनेछ ।
सदस्यहरुले आफुलाई फुर्सद भएको समयलाई सदुपयोग गर्दै आफ्नो खातामा रकम जम्मा गर्न, युटिलिटी विल्सहरु भुक्तानी गर्न, टपअप गर्न र करदाताहरुले आन्तरिक राजस्व कार्यालयमा कर भुक्तानी गर्न सजिलै सक्नेछन् । यसले काउन्टरमा लाईन बस्नु पर्ने झन्झटबाट मुक्ति दिनेछ भने कोरोना महामारीबाट सुरक्षित हुन र आफुलाई पायक पर्ने समयमा कारोवार गर्न पनि मद्दत गर्ने उहाँले बताउनुभयो ।
जुनसुकै सहकरी सफ्टवयरमा जडान गर्न सकिने ‘एम बैंक’ले सहकारीबाट बैंकमा रकम ट्रान्सफर सेवा, विभिन्न वालेटमा लोड, क्यू आर भुक्तानी, सम्पूर्ण युटिलिटी पेमेन्ट, शेयर खरिदको भुक्तानी, मेरो शेयर र डिम्याट नबिकरण, राजश्व भुक्तानी, ट्राफिक जरिवाना, एस सी टि ATM सेवा, पाठावो टुटल भुक्तानी, रेमिटेन्स सुबिधा र अन्य विभिन्न सेवा सेवा संस्थाले प्रदान गर्दै आएको छ ।
कम्पनीले हालसम्म करिब ४ सय ५० सहकारी संस्थालाई डिजिटलाइजेशनमा जोडेको छ ।
अभिलेख
लोकप्रिय
नोक्सान घटाउँदै नाफामुखी यात्रामा राष्ट्रिय सहकारी बैंक
४ मंसिर २०८२, बुधबार
नियामक र सदस्यकै बेवास्ताका कारण सहकारी समस्यामा परेको निष्कर्ष
२२ कार्तिक २०८२, शुक्रबार
राष्ट्रिय सहकारी महासंघको कामु महाप्रबन्धकमा गोपीकृष्ण भण्डारी नियुक्त
३ श्रावण २०८२, शुक्रबारRecent Posts
सहकारी क्षेत्रका लागि खुसीको खबर : अब सदस्यलाई मोबाइल एपबाटै ऋण आवेदनको सुविधा
२२ कार्तिक २०८३, शनिबार
तिहारलाई सिर्जनात्मक बनाउँदै विकू, देउसीभैलो प्रतियोगिता आयोजना
२१ कार्तिक २०८३, शुक्रबार
सीएमसी कास्कीमा अधिकारीको नेतृत्व, व्यवस्थापकको क्षमता विकास मुख्य प्राथमिकता
२१ कार्तिक २०८३, शुक्रबार