प्रतिवेदन नबुझाउने १७ सहकारीलाई प्रदेश सरकारको ताकेता

इटहरी : प्रदेश नं. १ को सहकारी रजिष्ट्रार कार्यालयले समयमा प्रतिवेदन नबुझाएका १९ वटा सहकारीलाई सक्कल प्रतिवदेन बुझाउन ताकेता गरेको छ ।

कार्यालयले साउन १० गते एक सूचना प्रकाशित गरेर ती सहकारीलाई आर्थिक वर्ष २०७६/०७७ को लेखापरीक्षण सहितको वार्षिक प्रतिवेदनको सक्कल प्रति पेश गर्न निर्देशन दिएको हो ।

रजिष्ट्रार कार्यालयले पटक–पटक सूचना गर्दापनि मातहतका १९ वटा संस्थाले समयमा प्रतिवेदन नबुझाई आर्थिक वर्षको अन्त्यमा ईमेल मार्फत विवरण पठाएको जनाएको छ ।

यद्यपि कार्यालयले ईमेल पठाउने सहकारी संस्थाको विवरण वार्षिक प्रतिवेदनमा भने समावेश गरेको जानकारी दिएको छ ।

कार्यालयका रजिष्ट्रार बलराम निरौलाले हस्ताक्षर गर्नुभएको सूचनामा ती संस्थालाई ‘यथाशिघ्र कार्यालयमा सम्पर्क राखी तोकीएको जरिवाना तिरेर सक्कल प्रतिवेदन बुझाउन’ भनिएको छ ।