भिमकुल सहकारीबाट ३२ लाख चाेरी

गोरखा : गोरखाको भीमसेन थापागाउँपालिका–७ बोर्लाङ्गस्थित भीमकुल बचत तथा ऋण सहकारी संस्थाबाट गए राती करिब ३२ लाख नगद चोरी भएको छ।

मध्यरातमा सहकारी कार्यालयको च्यानल गेट फुटाएर लकरमा रहेकाे ३२ लाख रूपैयाँ चोरी भएको व्यवस्थापक नवराज श्रेष्ठले जानकारी दिनुभयो । सहकारीमा करिब ५२ लाख रुपैयाँ नगद रहेकाे थियाे । लकर बाहिर रहेको २० लाख भने सुरक्षित रहेकाे संस्थाले जनाएकाे छ ।

घटनाकाे थप अनुसन्धान प्रहरीले गरिरहेको छ ।