सहकारीमा विभागीय मन्त्रीको पहिलो औपचारिक कार्यक्रम : राज्यलाई सहकारीको सहयोग आवश्यक

काठमाडौं : भूमि व्यवस्था, सहकारी तथा गरिवी निवारण मन्त्री लिलानाथ श्रेष्ठले देश विकासमा सहकारीको योगदान महत्वपूर्ण रहेको बताउनुभएको छ । गरिबी निवारण, कृषि लगायतका धेरै क्षेत्रमा सहकारीको योगदान महत्वपूर्ण रहेको बताउनुभएको हो ।

९९ औं अन्तर्राष्ट्रिय सहकारी दिवसको अवसरमा सहकारी महासंघले आयोजना गरेको कार्यक्रममा मन्त्री श्रेष्ठले सहकारीको विकासमा अवरोध गर्ने कानुनलाई राज्यले प्राथमिकता दिनुपर्ने बताउनुभयो । सहकारी क्षेत्र राज्यको प्राथमिकतामा नपरेको समेत स्विकार गर्नुभयो । ऐन, नीति, नियम निमार्णमा भूमिका खेल्ने प्रतिवद्धता जनाउनुभयो ।

‘नेपालमा सहकारीले धेरै राम्रा काम गरेका छन्’, उहाँले भन्नुभयो, ‘राज्यले सहकारीलाई काम गर्ने वातावरण दिने हो, त्यसमा हामी लाग्नेछौं ।’ राज्यलाई सहकारीको सहयोग आवश्यक रहेको र निरन्तर सहयोगको अपेक्षा गर्नुभयो ।