सहकारीमा खुला सवाल जवाफ हुँदै, सहभागी हुने हैन त ?

ललितपुर : ललितपुर जिल्ला बचत तथा ऋण सहकारी संघले भोली (१२ गते) सहकारीका विषयमा खुला सवाल जवाफ गर्ने भएको छ ।

भोली दिउँसो १२ बजेबाट भर्चुअलमार्फत ‘खुल्ला सवाल जवाफ कार्यक्रम २०७८’ आयोजना गर्न लागेको हो । सरोकारवालाहरु सँग बागमती प्रदेश सहकारी ऐन–२०७६, नियमावली–२०७६, मापदण्ड–२०७७ मा रहेको अन्योलता र वर्तमान समयमा सहकारी संस्थाहरुको अवस्थाको बारेमा छलफल गर्ने संघका अभ्यक्ष रामहरि बजगाईले जानकारी दिनुभयो ।

उक्त छलफलमा सहकारी अभियानमा अग्रज व्यक्तित्व, सहकारीकर्मी, संघीय सरकार, प्रदेश सरकार, स्थानीय सरकारका प्रतिनिधिको सहभागिता रहने छ ।

कार्यक्रममा सहकारी क्षेत्रको चासो राख्न जो कोही पनि सहभागिता रहन सक्नेछन् ।