अक्सिजन प्लान्ट जडान गर्न भक्तपुुर नगरपालिकालाई शिव शिखर बहुउद्देश्यीयको तीन लाख सहयोग

भक्तपुुर : भक्तपुरको कौशलटारमा मुख्य कार्यालय रहेको शिव शिखर बहुउद्देश्यीय सहकारी संस्थाले भक्तपुुर नगरपालिकालाई तीन लाख एक हजार रुपैयाँ आर्थिक सहयोग गरेको छ ।

कोरोना संक्रमण रोकथाम र नियन्त्रणको लागि आईसोलेसन केन्द्र र एचडियु सञ्चालनको लागि अक्सिजन प्लान्ट तथा आवश्यक स्वास्थ्य उपकरणहरुको व्यवस्था गर्न नगरपालिकाले खडा गरेको कोषमा उक्त रकम जम्मा गरेको हो ।

संस्थाले आर्थिक सहयोग गरेपछि नगरपालिकाले धन्यवाद व्यक्त गरेको छ ।

वित्तीय कारोकारसँगै सामाजिक कार्यमा पनि संस्था क्रियाशिल छ ।