बागमती प्रदेश सहकारी संघको अध्यक्षमा रामशरण शर्मा घिमिरे र लेखा संयोजकमा नेत्रराज पौडेल निर्वाचित

काठमाडौं, २३ कार्तिक

बागमती प्रदेश सहकारी संघको अध्यक्षमा रामशरण शर्मा घिमिरे निर्वाचित हुनुभएको छ । आईतबार ललितपुरमा सम्पन्न प्रारम्भिक साधारणसभाले घिमिरेलाई सर्वसम्वत चयन गरेको हो । घिमिरे तदर्थ समितिको पनि अध्यक्ष हुनुहुन्थ्यो ।

साधारणसभाले १५ सदस्यीय सञ्चालक समिति र ३ सदस्यीय लेखा समिति सर्वसम्वत चयन गरेको हो । सञ्चालक समितिको वरिष्ठ उपाध्यक्षमा जगतलाल महर्जन, महिला उपाध्यक्षमा सीता ढकाल, महासचिवमा भीम प्रसाद दाहाल, सचिवमा देवराज न्यौपाने र कोषाध्यक्षमा टीकाराम भट्टराई चयन हुनुभएको छ ।

त्यस्तै सदस्यहरुमा कृष्ण नेपाल, कृष्णप्रसाद तिमिल्सीना, दीपक जंगम, दुर्गा सञ्जेल, दुर्गा कार्की, अम्बिका थापा, मेनुका दाहाल, बिमल ढकाल र विपिन शर्मा चयन हुनुभएको छ ।
त्यस्तै नेत्रराज पौडेलको संयोजकत्वमा लेखा समिति चयन भएको छ । समितिको सदस्यहरुमा लक्ष्मी गिरी र कुलप्रसाद देवकोटा चयन हुनुभएको छ ।

निर्वाचित सञ्चालक समिति र लेखा समितिका पदाधिकारीहरुले आईतबार नै पदभर ग्रहण गरेका छन् ।

कार्यक्रममा राष्ट्रिय सहकारी महासंघका अध्यक्ष मीनराज कडेल, राष्ट्रिय सहकारी बैंकका अध्यक्ष केबी उप्रेती, राष्ट्रिय सहकारी बैंकका सञ्चालक सरिता भट्टराई लगायत सहकारी अभियान्ताको उपस्थिती रहेको थियो ।

तस्बिर सौजन्यः सरिता भट्टराई