विश्वज्योती बहुउद्देश्यीय सहकारीले सञ्चालनमा ल्यायो ‘सहकारी मार्ट’

ललितपुर, ४ असोज

ललितपुर महानगरपालिका–१४ मा सञ्चालित विश्वज्योती बहुउद्देश्यीय सहकारी संस्थाले ‘सहकारी मार्ट’ सञ्चालनमा ल्याएको छ । २ वर्षअघि स्थापना भएको संस्थाले बहुउद्देश्यीय कार्यक्रम अन्र्तगत मार्ट सञ्चालनमा ल्याएको हो ।

सदस्यहरुलाई सर्वसुलभ मुल्यमा गुणस्तरिय वस्तुहरु उपलब्ध गराउने उद्देश्यले सहकारी मार्ट सञ्चालनमा ल्याएको संस्थाका अध्यक्ष दिपेन्द्र के.सी.ले जानकारी दिनुभयो । ललितपुर–१४ ताल्छिखेल, पुरानो यातायात स्थित सञ्चालित उक्त मार्टमा सम्पुर्ण खाद्यान्न, घरायसी सरसमानहरु उपलब्ध हुनुका साथै निकट भविष्यमा होम डेलिभरी सुविधा समेत प्रदान गरिने अध्यक्ष के.सी. को भनाई छ ।

यस क्षेत्रको स्थानीय व्यक्तिहरुद्वारा स्थापित यससहकारी संस्थाले छोटो समयमा नै यहाँका स्थानीय जनता तथा व्यवसायीहरुको मन जित्न सफल भएको छ । ललितपुर जिल्ला कार्यक्षेत्र भएको यस संस्थाले समय समयमा सदस्यहरुको क्षमता अभिवृद्धीका लागि विभिन्न तालिमहरु प्रदान गर्दै आईरहेको साथै सदस्यहरुको व्यवसाय स्थापना तथा विस्तारका लागि कर्जामार्फत वित्तिय सुविधा प्रदान गर्दै आईरहेको छ ।

सदस्यहरुको सेवा र सुविधालाई केन्द्रबिन्दुमा राखि गुणस्तरिय सेवा प्रदान गर्ने उद्देश्यले सञ्चालित यस सहकारी संस्थाले गत आ.व.को अन्तिम लेखापरिक्षण भईरहेको र गत बर्षको नाफाबाट १० प्रतिशत लाभांस वितरण गर्ने तयारी भईरहेको संस्थाका प्रबन्धक शुरेस राईले जानकारी गराउनुभयो ।