किसान सहकारीले सञ्चालनमा ल्यायो मिस्डकल बैंकिङ सेवा

कैलाली । कैलालीको लम्की चुहा स्थित किसान बहुउद्देश्यीय सहकारी संस्थाले मिस्डकल बैंकिङ सेवा सञ्चालनमा ल्याएको छ ।

सदस्यहरुलाई प्रविधी मैत्री सुबिधा प्रदान गर्न तथा समय सापेक्ष सुबिधा दिने अभिप्रायले सञ्चालनमा ल्याईएको “मिस्डकल बैंकिङ” सेवा बिहीबार एक औपचारिक कार्यक्रमका बीच सुरुवात गरिएको हो ।

“पुग्नेछ सबैलाई टेवा, प्रयोग गरौं मिस्डकल बैंकिङ सेवा” भन्ने नाराका साथ सञ्चालनमा आएको मिस्डकल बैंकिङ सेवा बिशेष गरी मोबाईल बैंकिङ प्रयोग गर्न असमर्थ लघुवित्ततर्फ आवद्ध सदस्यहरुले प्रयोग गर्न सक्नेछन ।

यस सेवाको लागि संस्थाले नेपाल टेलिकमको २ वटा मोबाईल ९८६४७५९०६५ र ९८६४७५९०६४ प्रयोगमा ल्याएको छ । जस अन्तर्गत ९८६४७५९०६५ को सिमकार्डमा मिस्डकल गर्दा सदस्यहरुले आफ्नो खाताहरुको बारेमा जानकारी लिन सक्नेछन भने ९८६४७५९०६४ नं को सिमकार्डमा मिस्डकल गर्दा सदस्यले दर्ता गरेको मोबाईलमा रु. ५० को रिचार्ज गर्न सक्नेछन ।