सवारी पास दिन सक्ने अवस्थामा सहकारी विभाग छैनः रजिष्ट्रार

काठमाडौं, १ जेठ

सहकारी संस्थाको सेवा नियमित रुपमा सञ्चालन गर्न आवश्यक पर्ने सवारी पास सहकारी विभागले तत्काल उपलब्ध गराउन नसकिने जनाएको छ ।

सहकारी संस्थाका कर्मचारी, सञ्चालकको लागि सवारी पास दिन गृह मन्त्रालय र सम्बन्धीत मन्त्रालयबाट परिपत्र नआएका कारण पास उपलब्ध गराउन नसकिने जनाएको हो ।

सवारी पास दिनु भनेर कुनै निकायबाट पनि परिपत्र नआएको र कुनै पनि सहकारीका लागि पास उपलब्ध नगराएको सहकारी विभागमा रजिष्ट्रार डा. टोकराज पाण्डेले जानकारी दिनुभयो । सवारी पासलाई नै मुख्य विषय नबनाई नजिक रहेका सिमित कर्मचारीबाट सेवा प्रवाह गर्न उहाँको अनुरोध छ ।

अहिलेको अवस्थामा भिडभाड नगरी आफ्नो सेवा प्रवाह गर्नुपर्ने उहाँले बताउनुभयो ।