स्थापना दिवसमा नेचुरलले खुवायो ८ सय जनालाई खाना

काठमाडौं, २४ बैशाख

गोकर्णेश्वर नगरपालिका–६ जोरपाटीमा मुख्य कार्यालय रहेको नेचुरल बचत तथा ऋण सहकारी संस्थाले १३ औं स्थापना दिवस मनाएको छ ।

करिब ८ सय जनालाई खाना खुवाएर संस्थाले स्थापना दिवस मनाएको हो । नारायणटार युवा क्लबले नियमित रुपमा गरिब, विपन्न र श्रमिक वर्गलाई खाना खुवाउँदै आएकोमा संस्थाले आज सहकार्य गरेर खाना खुवाएको हो । संस्थाले विहान र बेलुकाको खानामा क्लबसँग सहकार्य गरेको हो ।

स्थापना दिवस कार्यक्रममा गोकर्णेश्वर नगरपालिकाका मेयर सन्तोष चालिसेको प्रमुख आतिथ्यतामा स्थापना दिवस मनाएको हो । मेयर चालिसेले नेचुरल बचत तथा ऋण सहकारीले वित्तीय क्षेत्र र सामाजिक क्षेत्रमा पुर्याएको योगदानको प्रशंसा गर्नुभएको थियो । गोकर्णेश्वर नगरपालिकाको उत्कृष्ठ संस्था रहेको समेत बताउनुभयो ।

त्यस्तै संस्थाका प्रमुख कार्यकारी सञ्चालक विकल्प पाठकले सामाजिक उत्तरदायित्व वहन गर्दै लकडाउन पीडितलाई खाना खुवाएको बताउनुभयो । अहिलेको अवस्थामा पीडितलाई न्याय दिनुनै सहकारीको मर्म हुने उहाँको भनाई थियो । संस्थाले स्थानीय तहलाई समेत सहयोग गरेको बताउनुहुँदै पाठकले सामाजिक क्षेत्रमा पनि संस्था सधै क्रियाशिल रहने प्रतिवद्धता जनाउनुभयो ।