अन्तर्राष्ट्रिय सहकारी दिवसको नारा तय, सिद्धान्त अनुसार काम गर्न अध्यक्ष गार्कोको आग्रह

काठमाडौं : अन्तर्राष्ट्रिय सहकारी महासंघले सहकारी दिवसको नारा तय गरेको छ ।

सन् २०२० को लागि महासंघले ‘जलवायुका लागि सहकारी’ भन्न नारा तय गरेको हो । गत वर्ष ‘सहकारी मार्फत दिगो समाज’ नारा तय गरिएको थियो । गत वर्ष सहकारी दिवस (जुलाई ७) विश्वका सहकारीकर्मी तथा सरोकारवालाहरूले ‘सहकारी मार्फत दिगो समाज’ को नारासाथ विश्वभर सहकारी दिवस मनाईएको थियो । यस वर्ष जुलाई ४ मा सहकारी दिवस परेको छ । हरेक वर्ष जुलाई महिनाको पहिलो शनिबार अन्तर्राष्ट्रिय सहकारी मनाईन्छ ।

अन्तर्राष्ट्रिय सहकारी महासंघले विश्वभर रहेको सहकारीकर्मीलाई जलवायुसँग सम्बन्धित काम गरेर दिवस मनाउन आग्रह समेत गरेको छ । जलवायु परिवर्तनले जीवन र जिविकोपार्जनलाई जोखिममा पारेको छ ।

महासंघका अध्यक्ष एरियल गार्कोको जलवायुले सिंगो पृथ्वीनै खतरामा रहेको र उत्पादन र उपभोगमा विधिमा यसको असर रहेको बताउनु भएको छ । सहकारीले सामाजिक समावेशीकरण र प्राकृतिक संसाधनको संरक्षण सहितको अर्थतन्त्रको विकास गर्न सम्भव छ भन्ने कुरा देखाउनुपर्ने बताउनु भएको महासंघले जारी गरेको विज्ञप्तिमा भनिएको छ ।

सहकारी मूल्य मान्यता र सिद्धान्तसहित काम गर्न समेत आग्रह उहाँले गर्नुभएको छ ।

#CoopsDay #Coops4ClimateAction