अन्तर सहकारी कारोबार निर्देशिका आउँदै, सरोकारवालासँग छलफल

काठमाडौं, ६ चैत

सहकारी विभागले अन्तर सहकारी कारोबार निर्देशिका जारी गर्ने भएको छ । विभागले निर्देशिका निमार्ण गरिरहेको छ । यस लगायत अन्य कार्यविधि निर्देशिका पनि विभागले निमार्ण गरिरहेको छ ।

सोही सन्दर्भमा सहकारी विभागले सरोकारवाला निकाय संग बुधबार छलफल गरेको हो । छलफल कार्यक्रममा सहकारी विभागका रजिष्ट्रार डा. टोकराज पाण्डेले अन्तर सहकारी कारोबार उत्पादन र वितरण सहकारीसंग जोड्न ल्याएको अवधारणा भएको बताउनुभएको छ ।

कार्यविधि निर्देशिकाहरुको प्रारम्भिक मस्यौदा विषयमा सरोकारसंगको अन्तरक्रिया कार्यक्रममा रजिष्ट्रार पाण्डेले अन्तर सहकारीको अवधारणा उत्पादन र वितरण सहकारीसंग जोड्न ल्याएको अवधारणा भएकोले यसलाई त्यसैगरी बुझ्न् आग्रह गर्नुभयो ।

अन्तर सहकारी अजिङगको जाहाज भएकोले यस प्रति भ्रम नछर्न आग्रह गर्नुभयो । सहकारी अभियानले सहकारी विभागसँग हातेमालो गर्न आग्रह गर्दै उहाँले अभियानले सानो कुवाको सोचाईबाट माथि उठ्नु पर्ने बताउनुभयो ।