सहकारीमा संयन्त्र बनाउन सरकार तयार–अर्थमन्त्री

काठमाडौं, १२ चैत । अर्थमन्त्री डा. रामशरण महतले सहकारी संघ/संस्थाको अनुगमन तथा नियमनका लागि संयन्त्र बनाउन सरकार लागि परेको बताएका छन् ।

प्रथम राष्ट्रिय सहकारी महासम्मेलनको दोस्रो दिनको उद्घाटन गर्दै उनले सहकारी क्षेत्रमा देखिएको समस्या र विकृतीलाई निणन्त्रण गर्न नसके यसले भयानक रुप लिने बताए ।

समस्या र विकृतीलाई नियन्त्रण गर्न महासम्मेलनबाट प्रभावकारी भूमिका हुने बताए । ‘सहकारी नेपाली समाजको आर्थिक रुपान्तरण र दिगो विकासकालाई अपरीहार्य छ ।’ उनले भने । यसलाई सही सदुपयोग गर्नु आवश्यक हरेको बताए ।

त्यस्तै कार्यक्रममा राष्ट्र बैंकका गभर्नर युवराज खतिवडाले सहकारीको विकृतीलाई नियन्त्रण गरी अघि बढ्न सके समृद्ध राष्ट्र निमार्ण गर्न सकिने बताए ।

सोल्टी होटमा भएको सम्मेलनमा ७२ जिल्लाका करिब ८ सय प्रतिनिधिहरुको सहभागीता रहेको छ । सम्मेलन भोली सम्म चल्ने छ ।