विद्यालयमा सहकारी शिक्षा अभियान

बागलुङ । धौलागिरि अञ्चलको पहिलो सञ्चार सहकारीका रुपमा स्थापित आदर्श सञ्चार सहकारी संस्था लिमिटेड बागलुङले जिल्लाका उच्च माविहरुमा ‘विद्यालयमा सहकारी शिक्षा’ कार्यक्रम सञ्चालन गरेको छ ।

उच्च माविमा अध्ययनरत विद्यार्थीहरुलाई सहकारी क्षेत्रप्रति आकर्षित गराउने, युवा पुस्तालाई सहकारीमा क्रियाशिल बनाउने र सहकारी मार्फत आयआर्जन गरी मुलुकको आर्थिक विकासमा टेवा पु¥याउने उदेश्यका साथ अभियान सञ्चालन गरिएको संस्थाले जनाएकोछ ।

संस्थाले सञ्चालन गरेको सहकारी शिक्षा अन्तरगत पाचौं चरणको कार्यक्रम सिगाना उच्च मावि तित्याङमा शुक्रबार सम्पन्न गरेको छ । तालिममा राष्ट्रिय सहकारी बैंकका सञ्चालक रामबहादुर जिसीले सहकारीको अवधारणा, मूल्य, मान्यता र सिद्धान्त तथा डिभिजन सहकारी कार्यालयका सहकारी निरिक्षक दुर्वल राजभण्डारीले सहकारीमा बचतको महत्व र परिचालनका बारेमा प्रशिक्षण दिएका थिए ।

तालीममा विद्यालयका कक्षा ११ र १२ मा अध्ययनरत ५० जना विद्यार्थीको सहभागीता रहेको थियो ।