सम्पुर्ण सहकारीद्वारा ७ औं पटक रक्तदान

काठमाडौं, १९ माघ

म्हेपीस्थित सम्पुर्ण बचत तथा ऋण सहकारी सस्थाले ७ औं रक्तदान कार्यक्रम सम्पन्न गरेको छ ।

वार्षिक कार्यक्रमअनुसार संस्थाले बर्सेनि रक्तदान गर्दै आएको छ । रगत अभावमा कसैले पनि ज्यान गुमाउन नपरोस् भन्ने उद्देश्यसाथ संस्थाले रक्तदान कार्यक्रम गर्दै आएको छ ।

रक्तदान कार्यक्रम संस्थाका अध्यक्ष सन्तोष मल्लको अध्यक्षतामा सम्पन्न भएको थियो ।

संस्थामा हाल ७०० भन्दा बढी सदस्यहरु आबद्ध भई कारोबार गरिरहेका छन् । संस्थाको कुल कारोबार ८ करोडभन्दा बढी रहेको छ भने १ करोड २५ लाख शेयर पुँजी रहेको छ । सहकारीको मुल्य मान्यतामा रहि समुदायमा आधारित भई सदस्यहरुको आर्थिक सामाजिक तथा साँस्कृतिक विकासको लागि कार्य गर्दै आईरहेको छ ।

संस्थाले छाता सङ्गठनहरुले आयोजना गरिएको विभिन्न सामाजिक तथा अन्य गतिविधिमा समेत सक्रिय रूपमा सहभागिता जनाईरहेको छ ।