विन्धाबासिनी र मोडल साकोसलाई सहकारी बैंकको सम्मान

बनेपा । राष्ट्रिय सहकारी बैँक, बनेपा शाखा कार्यालयको आयोजनामा काभ्रेपलाञ्चोक र सिन्धुपाल्चोक जिल्लाका सहकारी संघ÷संस्थाहरु बीच अन्तरक्रिया गरेको छ ।
अन्तरक्रिया कार्यक्रममा अतिथिहरुले मन्तव्य राख्दै बैंकको अझै प्रगतिको कामना व्यक्त गरेका थिए । बैँकका तालिम विभागका प्रमुख रामबाबु आचार्यले बैंकको समग्र अवस्था तथा बनेपा शाखाको आर्थिक गतिबिधिको बारेमा प्रस्तुतिकरण दिएका थिए ।
यसैगरि उपस्थित संघरसंस्थाका प्रतिनिधिहरुले उठाएका प्रश्न एंव जिज्ञासाहरुको सहजिकरण बैँकको प्रबन्ध संचालक केबि उप्रेतीले गरेका थिए ।
अन्तरक्रिया कार्यक्रमको अवसरमा गत आर्थिक बनेपा शाखा कार्यालयमा उत्कृष्ट र नियमित वित्तिय कारोबार गर्ने क्रमश विन्धाबासिनी बचत तथा ऋण सहकारी संस्था र मोडल बचत तथा ऋण सहकारी संस्थालाई प्रशंसा पत्र वितरण गरिएको थियो ।
कार्यक्रममा १५० भन्दा बढी संस्थाको संस्थाको उपस्थिति रहेको थियो।