नेपाल बहुउद्देश्यीय सहकारीमा सीईओका लागि आवेदन खुला, मासिक सुविधा २ लाखभन्दा बढी

काठमाडौं : झापा स्थित नेपाल बहुउद्देश्यीय सहकारी संस्था लिमिटेड ले प्रमुख कार्यकारी अधिकृत (सीईओ) पदका लागि दरखास्त आह्वान गरेको छ। संस्थाले ४ वर्षे करार सेवाअन्तर्गत काम गर्न इच्छुक योग्य नेपाली नागरिकबाट आवेदन माग गरेको हो।

सूचनाअनुसार आवेदकको उमेर २०८३ असार मसान्तसम्म ५५ वर्ष ननाघेको हुनुपर्नेछ। शैक्षिक योग्यता, अनुभव, प्राथमिकता, आवश्यक कागजात, आवेदन प्रक्रिया तथा दस्तुरसम्बन्धी विस्तृत जानकारी संस्थाको आधिकारिक वेबसाइटमार्फत प्राप्त गर्न सकिने जनाएको छ।

संस्थाले सीईओ पदका लागि मासिक तलब १ लाख ५० हजार रुपैयाँ, मासिक भत्ता ३० हजार रुपैयाँ तथा आवास सुविधा वापत २० हजार रुपैयाँ उपलब्ध गराउने जनाएको छ। अन्य सेवा सुविधा सञ्चालक समितिले तोकेबमोजिम हुने उल्लेख छ।

उम्मेदवार छनोट अन्तर्वार्ता र व्यावसायिक योजनाको प्रस्तुतीकरण मूल्यांकनका आधारमा गरिनेछ। आवेदन दिने अन्तिम मिति २०८३ असार ३० गते कार्यालय समयसम्म तोकिएको छ। अतिरिक्त जानकारीका लागि संस्थाको वेबसाइट वा मानव संसाधन विभागमा सम्पर्क गर्न सकिने संस्थाले जनाएको छ।