सहकारीकर्मी रमेश सापकोटा सुर्खेत- २ बाट फराकिलो मतान्तरले विजयी

सुर्खेत : सुर्खेत-२ बाट राष्ट्रिय स्वतन्त्र पार्टीका रमेश कुमार सापकोटा विजयी भएका छन् । सापकोटाले ३० हजार ३७८ मत प्राप्त गरी विजयी भएका हुन् ।

उनका प्रतिद्वन्द्वी नेपाली कांग्रेसका नारायण कोइरालाले १६ हजार १९६ मत पाए । त्यस्तैनेकपा एमालेका कुलमणि देवकोटा १२ हजार ८९१ मत प्राप्त गरेका छन् ।

नेपाली कम्युनिस्ट पार्टीका झकबहादुर मल्लले ४ हजार ४३६ मत प्राप्त गरेका छन् भने राष्ट्रिय प्रजातन्त्र पार्टी (राप्रपा) का कविराम पुरीले १ हजार २९३ मत प्राप्त गरेका छन् त्यस्तै श्रम संस्कृति पार्टीका राजेन्द्र रामजालीले १ हजार ५९२ मत प्राप्त गरेका छन् ।

सापकोटा वीरेन्द्रनगर बचत तथा ऋण सहकारी संस्थाका सचिव हुन् ।