नेचुरल सहकारीको १७औं वार्षिक साधारण सभा एकाइगत रूपमा हुने

काठमाडौं : नेचुरल बचत तथा ऋण सहकारी संस्था लिमिटेडले आफ्नो १७औं वार्षिक साधारण सभा मंसिर २५ गतेदेखि एकाइगत रूपमा सञ्चालन गर्ने भएको छ। संस्थाले यसपटक तीन वटा एकाइमा १७औं वार्षिक साधारण सभा गर्न लागेको हो।

मंसिर २५ गते सदस्य सेवा केन्द्र साँखु पहिलो एकाइ, मंसिर २६ गते सदस्य सेवा केन्द्र कालिमाटी र नयाँ बजार दोस्रो एकाइ सभा हुने संस्थाले जनाएको छ।

त्यस्तै मंसिर २७ गते प्रधान कार्यालय बौद्ध र सम्पर्क कार्यालय काडाँघारी तेस्रो एकाइ सभा हुने संस्थाले जनाएको छ। त्यसैगरी निर्णय प्रमाणिकरण गर्ने सभा पौष ४ गते संस्थाको प्रधान कार्यालयमा हुने संस्थाले जनाएको छ।