विकू बचतको पहिलो त्रैमासिक समीक्षा सम्पन्न, कावासोती सेवा केन्द्र उत्कृष्ट

गैंडाकोट (नवलपुर) : विकू बचत तथा ऋण सहकारी संस्था लिमिटेडले चालु आर्थिक वर्ष २०८२/०८३ को पहिलो त्रैमासिक समीक्षा बैठक सम्पन्न गरेको छ ।

पहिलो त्रैमासिकमा भएका कार्यहरूको मूल्याङ्कन गर्दै आगामी योजना तथा लक्ष्यलाई अझ प्रभावकारी रूपमा कार्यान्वयन गर्ने उद्देश्यले बैठकको आयोजना गरिएको थियो ।

संस्थाका अध्यक्ष प्रेम प्रसाद सापकोटाको प्रमुख आतिथ्यमा सम्पन्न उक्त बैठकमा उपाध्यक्ष कालिदास गौडेल र सचिव गोविन्द कंडेलले शुभकामना मन्तव्य व्यक्त भएको थियो । बैठकमा प्रमुख कार्यकारी अधिकृत माधव प्रसाद पौडेलले संस्थाको हालको अवस्था, रणनीति, योजना तथा समसामयिक विषयमा सहजीकरण गर्नुभएको थियो ।

बैठकमा विभागीय, क्षेत्रीय तथा सेवा केन्द्रका प्रमुखहरुले आफ्ना विभाग र क्षेत्रका उपलब्धी, चुनौती, सम्भावना तथा आगामी योजनाबारे विस्तृत प्रस्तुति दिनुभएको थियो । सहभागीले संस्थालाई अझ वित्तीय रूपमा सबल बनाउन आफ्ना सुझाव र धारणा समेत प्रस्तुत गरेका थिए ।

संस्थाले पहिलो त्रैमासिकमा समग्र रूपमा करिब २७ प्रतिशत लक्ष्य उपलब्धी हासिल गरेको जनाएको छ । सोही क्रममा चालु आर्थिक वर्षको वित्तीय लक्ष्य अन्तर्गत उत्कृष्ट प्रदर्शनका आधारमा कावासोती सेवा केन्द्रलाई उत्कृष्ट सेवा केन्द्र घोषित गरिएको छ । त्यस्तै, 6S Assessment मा अरुणखोला सेवा केन्द्र उत्कृष्ट बन्न सफल भएको छ ।

उत्कृष्टता हासिल गर्ने दुबै सेवा केन्द्रका कर्मचारी, व्यवस्थापन उप–समिति, पदाधिकारी तथा सेवा ग्रहण गर्ने सम्पूर्ण सदस्यप्रति संस्थाले हार्दिक आभार व्यक्त गरेको छ।