सहकारी विभागद्वारा एकीकृत निर्देशनको बुँदा नं ५६ मा संशोधन

काठमाडौं : सहकारी विभागले एकीकृत निर्देशन २०८२ मा संशोधन गरेको छ । विभागले २०८२ असार ३२ गते सहकारी संघ/संस्थाहरुमा सुशासन प्रवर्द्धनका लागि जारी
गरेको एकीकृत निर्देशनको बुँदा नं ५६ संशोधन गरेको छ ।

उक्त बुँदा संशोधन गरी ‘सहकारी संघ/संस्थाहरुको बाह्य ऋण कुल सम्पत्तिको ५ प्रतिशत भित्र कायम राख्नु पर्नेछ । तर, नेपाल सरकारको स्वीकृतिमा बाह्य मुलुकबाट ऋण लिने संघ/संस्था वा विशिष्टकृत सहकारी संघ वा दुई वा दुई भन्दा बढी संघसंस्थाले अन्तर सहकारी सहयोगको भावनाले संयुक्त वा साझेदारीमा आफ्नो उत्पादन र सेवाको बजारीकरण गर्दा वा नेपाल सरकारबाट उत्पादनमूलक सहकारी क्षेत्र मार्फत लगानी प्रबर्द्धनको लागि विशेष व्यवस्था गरिएको अवस्थामा ५ प्रतिशत सीमा सम्बन्धी व्यवस्था लागू हुने छैन ।’ कायम गरेको छ।