रामकोट सहकारीद्वारा बाल बचतकर्ताहरुलाई स्टेशनरी सामाग्री वितरण

धादिङ : निलकण्ठ नगरपालिका-८, साँघुटारमा मुख्य कार्यालय रहेको रामकोट बचत तथा ऋण सहकारी संस्था लिमिटेडले बाल बचतकर्ताहरुलाई स्टेशनरी सामाग्री वितरण गरेको छ ।

६१ औं राष्ट्रिय बाल दिवसको अवसर पारेर संस्थाका बाल बचतकर्ताहरुलाई स्टेशनरी सामाग्री वितरण गरेको छ । संस्थाले हरेक वर्ष बाल बचतकर्ताहरुलाई स्टेशनरी सामाग्री वितरण गर्दै आएको छ र

‘बाल मैत्री शासनः बाल अधिकारको सम्मान’ भन्ने मुल नारासहित संस्थाले मुख्य कार्यालय र सेवा केन्द्र रामकोट हटियाबाट स्टेशनरी सामाग्री वितरणको सुरुवात गरेको हो । संस्थाले सम्पूर्ण बाल बचतकर्ताहरुको अभिभावकलाई आफूलाई पाएक पर्ने स्थानबाट स्टेशनरी सामाग्री बुझिलिनको लागि अनुरोध पनि गरेको छ ।

संस्थाले भदौ २९ र ३० गते संस्थाबाट उक्त सामाग्री वितरण हुने जनाएको छ।