आईडियल साकोसको २६औं साधारण सभा एकाईगत रुपमा असोज २३ देखि २५ गतेसम्म

काठमाडौं : राजबिराज-४, सप्तरीमा केन्द्रीय कार्यालय रहेको आईडियल बचत तथा ऋण सहकारी संस्था लिमिटेडले २६औं वार्षिक साधारण सभा असोज २३ गतेदेखि एकाईगत रुपमा गर्ने भएको छ । भदौ १२ गते बसेको संचालक समितिको २६४औं बैठकले तीन एकाईमा साधारण सभा गर्ने निर्णय गरेको हो ।

एकाई (क) असोज २३ गते पातो बजार चौक, असोज २४ गते हनुमाननगर बजार चौक र असोज २५ गते जिल्ला समन्वय समितिको सभाहलमा साधारण सभा गर्ने कार्यसूचि तय गरेको छ । तीन वटै एकाईबाट चयन भएका प्रतिनिधिहरुको निर्णय प्रमाणित सभा असोज २७ गते संस्थाको केन्द्रीय कार्यालय भवन राजविराजमा हुने संस्थाले जनाएको छ ।

साधारण सभामा विभिन्न १० वटा प्रस्ताव उपर छलफल गरी निर्णय गर्ने कार्यसूचि छ ।