धादिङ बचतसंघको प्रमुख व्यवस्थापकमा कवीन्द्र धौबन्जार नियुक्त

काठमाडौं : धादिङ जिल्ला बचत तथा ऋण सहकारी संघको प्रमुख व्यवस्थापकमा कवीन्द्र धौबन्जार नियुक्त भएका छन् । भदौ ४ गतेदेखि लागू हुने गरी २ वर्षका लागि प्रमुख व्यवस्थापक नियुक्क्त भएका हुन् ।

संघका अध्यक्ष सीता दुवाडीले नियुक्ति पत्र प्रदान गर्दै नव नियुक्त प्रमुख व्यवस्थापकलाई बधाईका साथ सफल कार्यकालको शुभकामना व्यक्त गरेकी थिईन।

साथै संघमा विगत ५ वर्षदेखि प्रमुख व्यवस्थापकको रुपमा सेवा गरेका गोकर्ण दुवाडीले संघलाई पुर्याएको योगदानको उच्च सम्मान गर्दै उज्ज्वल भविष्यको शुभकामना साथ विदाई गरिएको थियो ।

धौबन्जारसँग सामुहिक बचत तथा ऋण सहकारी संस्थाको व्यवस्थापक र चन्द्रागिरिमा रहेको चन्द्रागिरि बचत तथा ऋण सहकारी संस्थामा नायव प्रमुख कार्यकारी अधिकृत भएर काम गरेको अनुभव छ ।

धौबन्जार सहकारी क्षेत्रको बारेमा राम्रो दखल राख्छन् भने सहकारी संघ संस्थालाई मुल्य, मान्यता र सिद्धान्तमा आधारित भई सञ्चालन गर्नुपर्नेमा जोड दिन्छन् ।