साकोसका सुपर सीईओ बने देवराज ज्ञवाली

काठमाडौं : सामुहिक विकास साकोसका सीईओ देवराज ज्ञवाली ‘साकोस अभियानका उत्कृष्ट व्यवस्थापक’ बनेका छन् ।

तिलोत्तमा-३, रुपन्देही स्थित सामुहिक विकास बचत तथा ऋण सहकारी संस्थाका का प्रमुख कार्यकारी अधिकृत (सीईओ) ज्ञवाली देशभरका साकोस अभियानका तर्फबाट उत्कृष्ट व्यवस्थापक (सुपर सीईओ) बनेका हुन् । नेफ्स्कूनले हरेक वर्ष अभियानका कार्यरत उत्कृष्ट व्यवस्थापक पुरस्कार प्रदान गर्दै आएको छ ।

नेफ्स्कूनले ३८औं स्थापना दिवसको अवसरमा शनिबार काठमाडौंमा आयोजित कार्यक्रममा उक्त घोषणा गरी प्रदान गरेको हो । कार्यक्रमका प्रमुख अतिथि भूमि व्यवस्था, सहकारी तथा गरिबी निवारण मन्त्री बलराम अधिकारीले ज्ञवालीलाई पुरस्कृत गरेका थिए ।

पुरस्कारको राशी रु १५ हजार रहेको छ । ज्ञवाली ५ वर्षदेखि संस्थाको सीईओ पदमा कार्यरत छन् ।

सामुहिक विकास साकोसमा १२ हजार ३ सय ५० जना सदस्य आवद्ध छन् भने संस्थाको कुल सम्पत्ति ३ अर्ब ५९ करोड रहेको छ ।