इन्द्र घिमिरे बने बागमती प्रदेशकै उत्कृष्ट व्यवस्थापक

काठमाडौं : बागमती प्रदेशकै उत्कृष्ट साकोस व्यवस्थापक ललितपुरका इन्द्र घिमिरे बनेका छन् ।

ललितपुरको लगनखेलमा मुख्य कार्यालय रहेको हाम्रो बचत तथा ऋण सहकारी संस्था लि. का प्रमुख कार्यकारी अधिकृत घिमिरेलाई नेफ्स्कूनले उत्कृष्ट व्यवस्थापकको रुपमा पुरस्कृत गरेको हो ।

नेपाल बचत तथा ऋण सहकारी केन्द्रीय संघ (नेफ्स्कून)ले ३८औं स्थापना दिवसको अवसरमा काठमाडौंमा आयोजित कार्यक्रममा घिमिरेलाई बागती प्रदेशकै उत्कृष्ट व्यवस्थापक घोषणा गरी पुरस्कृत गरेको हो । पुरस्कारको राशी कर बाहेक १० हजार रुपैयाँ रहेको छ ।

भूमि व्यवस्था, सहकारी तथा गरिबी निवारण मन्त्री बलराम अधिकारी र नेफ्स्कूनका अध्यक्ष चन्द्रप्रसाद ढकालले घिमिरेलाई उक्त पुरस्कार हस्तान्तरण गरेका थिए ।

घिमिरेसँग सहकारी क्षेत्रमा काम गरेको २७ वर्ष लामो अनुभव छ । १ अर्ब ७७ करोड सम्पत्ति रहेको हाम्रो साकोसको व्यवस्थापकीय बागडोर घिमिरेले सम्हाल्दै आएका छन् । संस्थामा करिब ७ हजार सदस्य आवद्ध छन् ।

हाम्रो साकोस उत्कृष्ट सहकारी मध्येको एक हो । संस्थाले विभिन्न पुरस्कार समेत प्राप्त गरेको छ । संस्था स्तरीकरण कार्यक्रम एक्सेसमा समेत आवद्ध छ ।