नेपालको पहिलो सहकारी बखान र आकाश डिजिटलबीच सम्झौता

काठमाडौं  । आकाश डिजिटल प्रा.लि. र बखान बहुउद्देशीय सहकारी संस्था लि. बीच डिजिटल दस्तावेज व्यवस्थापन प्रणाली (DMS) सफ्टवेयर सञ्चालन गर्ने सम्झौता  भएको छ। बखान सहकारी संस्था लि. २०१३ साल चैत २० गते सहकारी अभियानको प्रारम्भसँगै स्थापना भएको नेपालकै पहिलो सहकारी संस्था हो।

आकाश डिजिटल प्रा. लि.ले आफू सहकारी, माइक्रोफाइनान्स तथा वित्तीय क्षेत्रका लागि डिजिटल दस्तावेज व्यवस्थापन प्रणाली  (DMS) को विकास र सञ्चालनमा नेपालकै अग्रणी आईटी कम्पनी भएको दाबी गर्दै आएको छ । आकाश डिजिटलले देशभरका सयौं सहकारी संस्थाहरूलाई प्रविधिमैत्री बनाउँदै, डिजिटल रूपान्तरणमा महत्वपूर्ण योगदान पुर्‍याउँदै आएको जनाएको छ ।