बचत ऋण सहकारीका लागि नियामकीय मापदण्ड जारी

काठमाडौं : बचत तथा ऋणको मुख्य कारोबार गर्ने सहकारीको नियमन गर्न गठित राष्ट्रिय सहकारी नियमन प्राधिकरणले मापदण्ड जारी गरेको छ ।

बचत तथा ऋणको मुख्य कारोबार गर्ने सहकारी संस्थाको कारोबारलाई व्यवस्थित, पारदर्शी र प्रभावकारी बनाउन मापदण्ड जारी गरेको हो ।

प्राधिकरणको आज बसेको सञ्चालक समितिको बैठकको निर्णयले बचत तथा ऋणको मुख्य कारोबार गर्ने सहकारी संस्थाको सञ्चालन सम्बन्धमा जारी गरिएको नियामकीय मापदण्ड, २०८२ जारी गरेको हो ।

२०८१ माघ १३ गते प्राधिकरणको कार्यालय उद्घाटन भएको थियो । सोही दिन प्राधिकरणको अध्यक्ष र दुई सदस्यलाई भूमि व्यवस्था, सहकारी तथा गरिबी निवारण मन्त्री बलराम अधिकारीले सपथ खुवाएका थिए ।

प्राधिकरणका तत्कालिन अध्यक्ष अर्जुनप्रसाद पोखरेलको अध्यक्षमा सोही दिन बसेको पहिलो बैठकले प्राधिकरणका सदस्य तथा नेपाल राष्ट्र बैंकका कार्यकारी निर्देशक गुरु पौडेल संयोजकत्वमा सहकारी सम्बन्धी नियमन मापदण्ड बनाउन कार्यदल गठन गरेको छ ।