वीरगञ्जमा सहकारीको समस्या र समाधान सम्बन्धी छलफल

वीरगञ्ज : सहकारी क्षेत्रले वर्तमानमा समयमा भोगिरहेको समस्या र समाधानका सम्भावित उपायबारे आज पर्सामा गम्भीर छलफल भएको छ ।

कोअपरेटिभ म्यानेजर्स क्लब, पर्साको आयोजनामा गृह लक्ष्मी साकोसको सभाहलमा आयोजित “सहकारीको समसामयिक समस्या तथा समाधान सम्बन्धी अन्तक्रिया कार्यक्रम सम्पन्न भएको हो ।

कार्यक्रमको उद्घाटन नेपाल बचत तथा ऋण केन्द्रीय सहकारी संघ (नेफस्कून) का अध्यक्ष चन्द्र प्रसाद ढकालले गरेका थिए । कार्यक्रमको अध्यक्षता क्लबका सभापति रवि भुषण श्रीवास्तवले गरेका थिए । कार्यक्रममा संस्थापक अध्यक्ष जिष्णु बराल र निवर्तमान अध्यक्ष चन्देश्वर प्रसाद चौरसिया विशिष्ट आतिथ्यता थियो ।

कार्यक्रमको सञ्चालन क्लबका सचिव प्रदीप कुमार लोहारले गरेका थिए। कार्यक्रममा क्लबका सञ्चालक समिति सदस्यहरु र विभिन्न संघसंस्थाका गरी करिब ४० जना प्रतिनिधिको सहभागिता थियो । सहभागीहरूले सहकारी क्षेत्रमा देखिएका वर्तमान समस्याहरू, नीति निर्माणमा सुधारको आवश्यकता, पारदर्शिता अभिवृद्धि र व्यवस्थापन सुधारका उपायहरूबारे खुलेर बहस गरेका थिए ।

छलफलले सहकारी क्षेत्रको दिगो विकासका लागि आवश्यक कदमहरुबारे महत्वपूर्ण निष्कर्ष निकालेको आयोजकले जनाएको छ ।