सहकारी मन्त्रालयका सचिव पोखरेल सेवानिवृत्त

काठमाडौं : भूमि ब्यवस्था, सहकारी तथा गरिबी निवारण सचिव अर्जुनप्रसाद पोखरेलले सेवा निवृत्त भएका छन् ।

बैशाख २ गतेदेखि पोखरेलले मन्त्रालयबाट अवकाश लिएका हुन् । उमेरहदका कारण अवकाश लिएका सचिव पोखरेल राष्ट्रिय सहकारी नियमन प्राधिकरणका अध्यक्ष समेत थिए ।

२०८१ सालको शुरूतिर मन्त्रालयमा सचिवका रूपमा कार्यभार सम्हालेका पोखरेल प्रशासन सेवाका वरिष्ठ सचिवस्तरीय अधिकारी हुन् । उनले यस अघि राष्ट्रिय योजना आयोग, गृह मन्त्रालय र अन्य मन्त्रालयमा दीर्घकालीन सेवा अनुभव बटुलेका थिए ।

पोखरेलले सहकारी क्षेत्र सुधारमा नियमन कडा पार्ने पक्षमा स्पष्ट धारणा राख्दै आएका थिए ।