क्यापिटल सहकारीले तिरेन कर्जा, धितो लिलाम गर्दै नेफ्स्कून

काठमाडौं : क्यापिटल बचत तथा ऋण सहकारी संस्थाले नेपाल बचत तथा ऋण केन्द्रीय सहकारी संघ (नेफ्स्कून)बाट लिएको कर्जा नतिरेपछि धितो लिलाम हुने भएको छ ।

नेफ्स्कूनले आज (बिहीबार) धितो लिलाम विक्रि सम्बन्धी ३५ दिने सूचना जारी गरेको छ । नेफ्स्कूनले विजय भट्टराईको नाममा मालपोत कार्यालय भैरहवा रुपन्देहीमा दर्ता श्रेष्ता कायम रहेको नक्सा सिट न ९ख कित्ता नं ५२, ५३, ७२ र २०७ को क्षेत्रफल क्रमशः २५३९.३७, १८६२.२१, २ ९६२.६०र२७०.८७ व.मी.को जग्गा र सो ले चर्चेको लिगलगापात समेत लिलाम गर्न लागेको हो ।

क्यापिटल सहकारीका अध्यक्ष रामचन्द्र शर्मा हुन् । त्यस्तै उपाध्यक्षमा युगेश्वर राज सापकोटा, सचिवमा अच्युत राज बुढाथोकी, कोषाध्यक्षमा अशोक पाण्डे रहेका छन् । त्यस्तै सदस्यहरुमा राम हरि थापा, विरेन्द्र कुमार जोशी र शुरेश चन्द्र श्रेष्ठ रहेका छन् ।