स्थिरीकरण कोषको सञ्चालकमा बिन्धवासिनी साकोसका अध्यक्ष श्रेष्ठ मनोनित

काठमाडौं : बचत तथा ऋण सहकारी संस्था सम्बन्धी स्थिरीकरण कोषको सञ्चालक समितिको सदस्यमा बिन्धवासिनी बचत तथा ऋण सहकारी संस्थाका अध्यक्ष मनोनित भएका छन् ।

बिन्धवासिनी साकोसको अध्यक्षमा शान्त कुमार श्रेष्ठ छन् । कोषको पौष ११ गते बसेको २३औं बैठकबाट श्रेष्ठ मनोनित भएका हुन् ।

सहकारी ऐन, २०७४ को दफा १०३ र सहकारी नियमावली, २०७५ नियम ७४ उपनियम २ को (झ) मा स्थिरीकरण कोषको सञ्चालन समितिमा सहभागी सहकारी संस्थाका अध्यक्षहरुमध्ये कोष सञ्चालन समितिले मनोनयन गरेका सदस्य रहने व्यवस्था छ ।

स्थिरीकरण कोष स्थापना तथा सञ्चालन कार्यविधि, २०७६ दफा ८ अनुसार योग्यता पुगेका सहकारीहरुमध्ये बिन्धवासिनी बचत तथा ऋण सहकारी संस्था लिमिटेड, काभ्रेका अध्यक्षलाई मनोनित गरेको हो ।