ग्लोबल सहकारीको १७औं वार्षिक साधारण सभा सम्पन्न

काठमाडौं : ग्लोबल बचत तथा ऋण सहकारी संस्थाले १७औं वार्षिक साधारण सभा सम्पन्न गरेको छ ।

संस्थाका अध्यक्ष टलक बहादुर श्रेष्ठको सभापतित्व एवं नेपाल बचत तथा ऋण केन्द्रीय सहकारी संघ (नेफ्स्कून)का अध्यक्ष चन्द्रप्रसाद ढकालको प्रमुख आतिथ्यता थियो ।

सभामा अध्यक्ष श्रेष्ठ, सचिव बिष्णु कुमार श्रेष्ठ, कोषाध्यक्ष धन बहादुर श्रेष्ठ र लेखा सुपरीबेक्षण समितिको संयोजक ताराराम श्रेष्ठले पेश गरेको प्रतिवेदन उपर छलफल गरी पारित गरेको छ । गत आर्थिक वर्ष २०८१/८२ को मुनाफाबाट संस्थाले सदस्यहरुलाई ५ प्रतिशत नगद बोनस दिने प्रस्ताव समेत साधारण सभाले पारित गरेको छ ।

सभामा संचालक समिति सदस्य हरि बहादुर श्रेष्ठ, केशर बहादुर श्रेष्ठ, फास्टफुड एशोशियशन नेपालका अध्य्क्ष राजकुमार श्रेष्ठ, नेवा सम्पर्क समुहका अध्य्क्ष लगायतले संस्थाले गरेका रचनात्मक कार्य र गतिविधिको प्रशंशा गर्दै थप उन्नतीको कामना गरेका थिए ।

साथै संस्थाका सल्लहाकार तथा समाजसेबी झनक श्रेष्ठले समग्र सहकारी संस्थाको पछिल्लो अवस्थाको बारे चासो र चिन्ता व्यक्त गरेका थिए ।

त्यसैगरी कार्यक्रममा सहकारी हकहित रास्ट्रिय समाजका अध्यक्ष गोबिन्द गिरि, राष्ट्रीय सहकारी बैंक लगनखेल शाखाका प्रमुख केदार नाथ उप्रेती लगायतले शुभकामना मन्तव्य व्यक्त गरेका थिए ।

संस्थाका व्यवस्थापक रामशरण पौडेलले कार्यक्रम सञ्चालन गरेका थिए । साधारण सभामा सहभागि अतिथी एवं सदस्यहरुलाई लेखा प्रमुख भम बहादुर श्रेस्ठले स्वागत गरेका थिए ।