उज्यालो संपद साकोसको अध्यक्षमा पुन: रमेश प्रसाद तिमल्सिना

काठमाडौं : उज्यालो संपद बचत तथा ऋण सहकारी संस्थाको १७ औँ वार्षिक साधारण सभा सम्पन्न भएको छ । संस्थाका अध्यक्ष रमेश प्रसाद तिमल्सिनाको अध्यक्षतामा काठमाडौंमा शनिबार साधारणसभा सम्पन्न भएको हो ।

बागमती प्रदेश सरकारका सस्कृति, पर्यटन तथा सहकारी मन्त्रालय मन्त्री बिमल ठकुरीले कार्यक्रमको उदघाटन गरेका थिए। उद्घाटन कार्यक्रममा बोल्दै मन्त्री ठकुरीले सहकारीको विद्यमान कानूनलाई अक्षरस पालना गर्न आग्रह गरे । सदस्यहरुको भावना बुझेर योजना तर्जुमा गर्न सके सहकारी संस्था कहिले समस्या नपर्ने बताए ।

नेफ्स्कूनका सञ्चालक नवराज अर्यालले सहकारी संस्था सञ्चालनमा शेयर सदस्यहरु भूमिका सञ्चालक भन्दा माथि रहने भएकाले शेयर सदस्यहरुलाई आफ्नो भूमिका निर्वाह गर्न सुझाव दिए ।

साधारण सभाले पुनः रमेश प्रसाद तिमल्सिनाको अध्यक्षतामा नयाँ सञ्चालक समिति चयन गरेको छ । निर्वाचन उपसमितिका संयोजक बिनोद लुइटेलका अनुसार कार्यसमिति उपाध्यक्षमा रेवतीरमण पौडेल चयन भएका छन् भने सचिवमा नविन नेपाल र कोषाध्यक्षमा विदुर लुइटेल चयन भएका छन् । साधारणसभाले हरिप्रसाद तिमल्सिनाको संयोजकत्वमा तीन सदस्यीय लेखा तथा सुपरीवेक्षण समिति गठन समेत गरेको छ ।

संस्थाको केन्द्रीय कार्यालय चावहिलमा अवस्थीत छ भर्ने नारायणटार र ब्रह्मखेलमा सदस्य सेवाकेन्द्र सञ्चालन गर्दै आएको छ । जसमा संस्थाको कुल सदस्य संख्या ३०३८ जना, नियमित मासिक बचत सदस्य संख्या २२१० रहेको छ ।
साथै शेयर पुँजी ४ करोड ९३ लाख, बचत निक्षेप ४६ करोड ९७ लाख, ऋण लगानी ४४ करोड र कुल सम्पत्ति ५५ करोड ६४ लाख रहेको जानकारी प्रमुख कार्यकारी अधिकृत राजन सापकोटाले जानकारी दिए ।