रामकोट सहकारीको अध्यक्षमा राजकुमार श्रेष्ठ

धादिङ : नीलकण्ठ नगरपालिका ८ स्थित रामकोट बचत तथा ऋण सहकारी संस्थाको अध्यक्षमा राजकुमार श्रेष्ठ चयन भएका छन् ।

शनिबार सम्पन्न संस्थाको १५औं वार्षिक साधारण सभा तथा ५ औं अधिवेशनले आगामी ४ वर्षको लागि सञ्चालक समिति तथा लेखा सुपरिवेक्षण समिति सर्वसम्मत चयन गरेको हो ।

नवनिर्वाचित समितिको उपाध्यक्षमा राजकुमार श्रेष्ठ, सचिवमा रेशमकुमार श्रेष्ठ, सहसचिवमा भक्तबहादुर श्रेष्ठ र कोषाध्यक्षमा तेजकुमारी लम्साल निर्वाचित भएकी छिन् ।

त्यस्तै सदस्यहरुमा सुजन श्रेष्ठ, रामशरण श्रेष्ठ, ऋितु श्रेष्ठ र कविता बसौला (अर्याल) निर्वाचित भएका छन् । त्यसैगरी लेखा सुपरीवेक्षण समितिको संयोजकमा फत्तकुमारी श्रेष्ठ चयन भएकी छिन् । त्यस्तै सदस्यहरुमा उत्तम सिलवाल र पार्वती श्रेष्ठ चयन भएका छन् ।

नव निर्वाचित समितिलाई संस्थाका प्रमुख सल्लाहकार तथा मेयर भिमप्रसाद ढुंगाना, संस्थापक अध्यक्ष हेमराज श्रेष्ठ, नीलकण्ठ नगरपालिकाका प्रवक्ता तथा वडा नं. ८ का वडा अध्यक्ष प्रकाशकुमार श्रेष्ठ, निवर्तामान अध्यक्ष रामकृष्ण श्रेष्ठ लगायतले बधाई तथा शुभकामना व्यक्त गरेका थिए ।