पत्रकार देवकोटा ‘राष्ट्रिय सहकारी बैंक पत्रकारिता पुरस्कार’बाट पुरस्कृत

काठमाडौं : राष्ट्रिय सहकारी बैंक पत्रकारिता पुरस्कारबाट मेरो लगानी डट कमकी पत्रकार सुधा देवकोटा पुरस्कृत भएकी छन् । बैंकको २२औं स्थापना तथा कारोबार सुभारम्भ दिवसको अवसरमा शनिवार आयोजित कार्यक्रममा पत्रकार देवकोटा पुरस्कृत भएकी हुन् ।

कार्यक्रमका प्रमुख अतिथि उद्योग, वाणिज्य तथा आपूर्ति मन्त्री दामोदर भण्डारीले प्रशंसा पत्र प्रदान गरेका हुन् । सहकारी क्षेत्रको समाचार सम्प्रेषणमार्फत् सहकारी क्षेत्रको विकास, प्रवद्र्धन र सामाजिक रुपान्तरणमा पुर्याएको योगदान स्वरुप बैंकले देवकोटालाई सम्मान तथा पुरस्कार गरेको बैंकले बताएको छ ।

पत्रकार देवकोटा नेपाल सहकारी पत्रकार समाज (सीजेएन)का सहसचिव समेत हुन् ।