विकू बचतले एकल विन्दुमा कर्जा प्रवाह गर्ने

गैंडाकोट (नवलपरासी) : विकू बचत तथा ऋण सहकारी संस्थाले एकल विन्दुमै ऋण सुविधा योजना ल्याएको छ । संस्थाले पशुपालन, कृषि तथा हरित ऋण शिर्षकमा वार्षिक ९.९९ प्रतिशत व्याजदरमा नै ऋण सुविधा योजना ल्याइएको हो ।

सदस्यको माग र आवश्यकता सँगै हालको परिस्थिति, बजारको अवस्थालाई मध्यनजर गर्दै सदस्यलाई दिगो, सवल, सक्षम र समृद्ध बनाउनका लागि सर्व सलुभ ऋण योजना ल्याएको संस्थाले जनाएको छ ।

संस्थाको कार्यक्षेत्र रहेको धेरै भू-भाग कृषि तथा पशुपालनका लागि सम्भावना बोकेको पकेट क्षेत्र रहेको छ । संस्थामा आबद्ध अधिकांश सदस्यहरु कृषि/पशुपालन पेशा तथा व्यवसायमा संग्लन छन् ।

यस योजना अन्तर्गत एक हजार सदस्य लाभान्वित हुने संस्थाले जनाएको छ ।