सहकारीको ऋण नतिर्नेलाई राज्यका सेवासुविधाबाट बञ्चित गर्नुपर्छ: कानून मन्त्री

पर्वत : कानून न्याय तथा संसदीय मामिला मन्त्री पदम गिरीले सहकारीको ऋण नतिर्नेलाई कालोसूचीमा राखेर राज्यका सेवासुविधाबाट बञ्चित गर्नुपर्ने बताएका छन् ।

गृहजिल्ला पर्वतमा शिवालय खानेपानी उपभोक्ता तथा सरसफाइ संस्थाको १८औँ साधारणसभालाई सम्बोधन गर्दै मन्त्री गिरीले सहकारीबाट ऋण लिएर नतिर्नेहरूलाई जसरी बैंकले कालोसूचीमा राख्छ त्यसैगरी सहकारी ठगहरूलाई पनि कालोसूचीमा राखेर राज्यका सेवासुविधाबाट बञ्चित गर्नुपर्ने बताए । त्यस्तै मन्त्री गिरीले बदमासी गर्ने सहकारी सञ्चालकलाई कारबाहीको दायरमा ल्याउनैपर्ने समेत बताए।

सहकारी क्षेत्रमा देखिएको समस्या समाधानका लागि आवश्यक कानुन निर्माणको काम अन्तिम चरणमा पुगेको उनले बताए।