चाइना ट्रेड सहकारीको व्यवस्थापकमा भट्टराई नियुक्त, १० वर्षे सहकारी अनुभव

काठमाडौं : महाबौद्ध स्थित चाइना ट्रेड बहुउद्देश्यीय सहकारी संस्थाको व्यस्थापकमा महेन्द्र प्रसाद भट्टराई नियुक्त भएका छन्।

लामो समयदेखि सहकारी क्षेत्रका कार्रत भट्टराईलाई सञ्चालक समितिको बैठकले व्यवस्थापकमा नियुक्त गरेको हो । आईतबार एक कार्यक्रमको बीच भट्टराईले जिम्मेवारी सम्हालेका छन्।

भट्टराईसँग सहकारी क्षेत्रमा काम गरेको १० वर्षभन्दा बढी अनुभव छ । स्नाकोत्तर अध्ययन गरेका भट्टराई यस अघि अन्नपूर्ण बहुमुखी सहकारी संस्थाको व्यवस्थापक थिए ।

भट्टराईको आगमनले चाइना ट्रेडको संस्थागत विकास र सबल संस्था निर्माणमा अतुलनीय योगदान पुग्ने अपेक्षा संस्थाले गरेको अध्यक्ष राजेन्द्र कुमार श्रेष्ठले बताए । भट्टराईको कुशल र सक्षम नेतृत्वमा आगामी दिनमा संस्थाले विभिन्न वित्तीय सूचकाङ्कहरूमा अग्रणी स्थान हासिल गर्दै थप उचाइ प्राप्त गर्ने आशा संस्था गरेको अध्यक्ष श्रेष्ठले बताए ।