वातावरण संरक्षणमा श्रोत परिचालन साकोसको पहलकदमी, ९.५% ब्याजदरमै इभी लोन

धादिङ : समुदायमा आधारित र सदस्य केन्द्रीत श्रोत परिचालन बचत तथा ऋण सहकारी संस्थाले ९.५ प्रतिशत ब्याजदरमै विद्युतीय सवारी साधन ऋण (इभी लोन) सुरु गरेको छ ।

संस्थाले सदस्यहरुलाई १५ सिट क्षमताको धादिङ काठमाडौं चल्ने सार्वजनिक सवारी साधन (फोटन फाइभ भी मोटर)मा सस्तो ब्याजदरमा लगानी गरेको हो । एक कार्यक्रमको बीच ग्रामिण यातायात सहकारी संस्थाले धादिङ काठमाडौं रुटमा ईभी भ्यान सञ्चालन गरेको छ । उक्त ईभी भ्यानमा श्रोत परिचालन साकोसले लगानी गरेको हो ।

संस्थामा आवद्ध सदस्यहरुले उक्त गाडी खरिद गर्न चाहेमा सहकारीले ८० प्रतिशतसम्म लगानी गर्ने संस्थाका अध्यक्ष रुद्रबहादुर खत्रीले जानकारी दिए । हाल चार वटा गाडीमा लगानी भएको बताउँदै तत्कालको लागि १० वटा गाडीमा संस्थाले लगानी गर्ने बताए ।

साकोसले वातावरण संरक्षणका लागि पहलकदमी गर्दै आएको छ । सोही क्रममा ईभी गाडीमा लगानी गरिएको संस्थाका प्रमुख कार्यकारी अधिकृत दयानिधि नेपालले जानकारी दिए । जसकारण वातावरण संरक्षणमा योगदान पुग्ने विश्वास नेपालको छ ।

त्यस्तै संस्थाले विश्व वातावरण दिवसका अवसरमा गल्छी बजारमा सरसफाइ तथा वातावरण सचेतना कार्यक्रम सम्पन्न गरेको छ ।