पोखरा रोयल सहकारी २३औं वर्ष प्रवेश, जगेडाकोष मुखी सहकारी निमार्ण गर्ने अभियान

कास्की : पोखरा रोयल बचत तथा ऋण सहकारी संस्था स्थापनाको २३औं वर्षमा प्रवेश गरेको छ । ‘सुखी सदस्य, दिगो सहकारी’को परिकल्पना साथ सदस्य सेवामा समर्पित पोखरा रोयल साकोस २०५९ जेठ ८ बाट सञ्चालनमा आएको छ ।

काठमाडौँमा २०५५ सालमा स्थापना भएको रोयल सहकारी नै पोखरामा २०५९ जेठ ८ मा ‘पोखरा रोयल बचत तथा ऋण सहकारी संस्था’को नाममा स्वायत्त भएको थियो। संस्थाले २३औं स्थापना दिवसको अवसरमा भिडियो सन्देश समेत प्रकाशित गरेको छ ।

संस्थाकी अध्यक्ष रुद्र कुमारी गुरुङ (मैना)ले भिडियो सन्देशमार्फत सम्पूर्ण सस्यहरुलाई स्थापना दिवसको शुभकामना व्यक्त गरेकी छिन् ।

भिडियो सन्देशमार्फत संस्था प्रमुख कार्यकारी अभिकृत भीम बहादुर गुरुङले वित्तीय सुरक्षा, सुशासनमा र समृद्धिमा संस्थाको ध्यान केन्द्रीत रहने बताए । त्यस्तै सदस्य सेवा, जगेडाकोष मुखी सहकारी निमार्ण गर्ने अभियानमा पोखरा रोयल रहेको बताएका छन् ।

२०८१ बैशाख मसान्तसम्म आईपुग्दा संस्थामा ९ हजार ३ सय १६ जना सदस्य आवद्ध भएका छन् । संस्थाको सेयर पुँजी १९ करोड ९६ लाख, जगेडा कोष १८ करोड ५२ लाख कुल बचत १ अर्ब ८६ करोड १४ लाख, कूल संस्थागत पुँजी १८ करोड ७० लाख, विभिन्न कोष १२ करोड ४५ लाख, लगानीमा रहेको ऋण १ अर्ब ६७ करोड १६ लाख, तरलता रकम ६९ करोड ११ लाख (३७.१३ प्रतिशत) रहेको छ । संस्थाको कुल सम्पत्ती २ अर्ब ४९ करोड ५१ लाख रहेको छ ।