जनसचेतन साकोसको वित्तीय विवरण प्रकाशित, कुल सम्पत्ति साढे २ अर्ब नाघ्यो

दोलखा : जनसचेतन बचत तथा ऋण सहकारी संस्थाले फागुन महिनाको परिष्कृत वित्तीय विवरण प्रकाशित गरेको छ । संघीय सहकारी विभागको निर्देशन बमोजिम संस्थाले हरेक महिना वित्तीय विवरण प्रकाशित गर्दै आएको छ ।

प्रकाशित विवरण अनुसार फागुन मसान्तसम्म संस्थाको सेयर पुँजी १६ करोड ६३ लाख ९७ हजार १ सय रुपैयाँ रहेको छ । संस्थाको जगेडा कोषमा १७ करोड ५८ लाख ६८ हजार ९४ रुपैयाँ, विभिन्न कोषहरुमा ११ करोड ९२ लाख ३२ हजार १ सय ४४ रुपैयाँ र कुल संस्थागत पुँजी १७ करोड ८१ लाख ११ हजार ५ सय ७७ रुपैयाँ रहेको छ ।

त्यस्तै कुल बचत १ अर्ब ८४ करोड २३ लाख ७१ हजार ४ सय ३५ रुपैयाँ र लगानी १ अर्ब ७५ करोड ४६ लाख ९२ हजार ७ सय ८५ रुपैयाँ रहेको छ । यस अवधिमा संस्थासँग २२.६४ प्रतिशत अर्थात् ४१ करोड ७० लाख ४९ हजार २ सय ८१ रुपैयाँ रहेको छ । संस्थाको कुल सम्पत्ति २ अर्ब ५२ करोड १ लाख ३१ हजार ४ सय १७ रुपैयाँ रहेको छ ।

संस्थामा २७ हजार ८ सय ९५ जना सदस्य रहेका छन् । संस्थाबाट ३ हजार ७ सय ७५ जनाले कर्जा लिएका छन् ।

२०५० सालमा स्थापना भएको जनसचेतन नेपालकै उत्कृष्ट संस्था भित्र पर्दछ । संस्थाको बाह्य ऋण भने शून्य छ ।