राष्ट्रिय सहकारी महासंघमा उम्मेदवारी दर्ताको दस्तुर निर्धारण

काठमाडौं : राष्ट्रिय सहकारी महासंघको निर्वाचनको लागि उम्मेदवारी दस्तुर निर्धारण गरिएको छ । महासंघको ३१ औं साधारण सभा आज र भोली (पौष २७ र २८) हुँदैछ ।

जस अनुसार आज दिउँसो ३ बजेदेखि ४ बजेसम्म उम्मेदवारी दर्ताको कार्यक्रम रहेको छ । निर्वाचन समितिले सञ्चालक समिति तथा लेखा सुपरिवेक्षण समितिको पदाधिकारी एवं सदस्यका लागि उम्मेदवारी दस्तुर निर्धारण गरेको छ ।

जस अनुसार अध्यक्ष पदका लागि २० हजार निर्धारण गरिएको छ । त्यस्तै वरिष्ठ उपाध्यक्ष, उपाध्यक्ष र लेखा सुपरिवेक्षण समितिका संयोजक पदका लागि १५ हजार रुपैयाँ निर्धारण गरिएको छ । सञ्चालक समिति सदस्य र लेखा सुपरिवेक्षण समिति सदस्य पदका लागि १० हजार निर्धारण गरिएको प्रमुख निर्वाचन अधिकृत हिमादेबी बस्नेतले जानकारी दिईन ।

निर्वाचन समितिका अनुसार नियमानुसार उम्मेदवारी फिर्ता लिने उम्मेदवारको हकमा निजले बुझाएको उम्मेदवारी दस्तुर (धरौटी रकम) फिर्ता हुने जनाएको छ ।