नेफ्स्कून निर्वाचन: खुला सञ्चालकमा देवकुमार श्रेष्ठ

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून) को भोली (आईतबार) हुने निर्वाचनमा देवकुमार श्रेष्ठले खुला सञ्चालकमा उम्मेदवारी दिएका छन् ।

श्रेष्ठले चन्द्रप्रसाद ढकालको समूहबाट उम्मेदवारी दिएका हुन् । मुनाल बचत तथा ऋण सहकारी संस्थाको प्रतिनिधित्व गर्दै श्रेष्ठले उम्मेदवारी दिएका हुन् ।

समृद्ध सदस्य, दिगो सहकारी र सुदृढ अभियानको लागि उम्मेदवारी दिएको श्रेष्ठले बताए । दुई दशकदेखि सहकारी अभियानमा कृयाशिल श्रेष्ठ सहकारीकर्मी माझ लोकप्रिय छन् ।

सहकारी अभियानका लागि आवश्यक पैरवी र पहल गर्न, ऋण असुली न्यायाधिकरण, कर्जा सूचना केन्द्र, कर्जा असुली न्यायधिकरण, बचत सुरक्षण कोष, स्थिरीकरण कोषको प्रभावकारी कार्यान्वयन, स्वनियमनमार्फत सुशासन प्रबद्र्धन, साकोस अभियानमा सुशासनको अक्षरस पालना गराउन आफ्नो उम्मेदवारी रहेको श्रेष्ठको भनाई छ ।