प्रविधिमा नेचुरल सहकारी एक कदम अगाडि, आवाजबाटै कारोबारको विवरण बताउने ‘इस्पिकर’ वितरण सुरु

कठमाडौं : नेचुरल बचत तथा ऋण सहकारी संस्थाले डिजिटल कारोबारलाई सजिलो बनाउनका लागि आवाजबाटै कारोबारको विवरण बताउने इस्पिकर यन्त्र सदस्यलाई वितरण सुरु गरेको छ ।

सिम कार्ड तथा वाई-फाईमार्फत इन्टरनेटमा जोडिएर इस्पिकर यन्त्रले डिजिटल कारोबार यकिन गरी बताउने भएकाले यसले तुरुन्त जानकारी दिन सक्ने छ । इस्पिकर एक अडियो अलर्ट यन्त्र हो । जसले डिजिटल कारोबार गरेर भुक्तानी आएको सूचना आवाजको माध्यमबाट तुरुन्त दिनेछ ।

नेचुरल सहकारीले इसेवासँग सहकार्य गरी सदस्यलाई वितरण सुरु गरेको हो । यस यन्य भुक्तानी आएको पुष्टि गर्ने भरपर्दो तथा सजिलो माध्यम प्रदान गर्नेछ । नेचुररले सदस्यलाई वितरण सुरु गरेको इस्पिकर सहकारी क्षेत्रमै पहिलो हो ।

ग्राहक तथा व्यवसायीहरूले क्यूआर मार्फत आएको भुक्तानी पूरा भए नभएको तुरुन्तै पुष्टि गर्नलाई केही असहज थियो । कहिलेकाहिँ कारोबार पूरा भई खातामा पैसा आएको पुष्टि गर्नलाई मेसेज आउनमा ढिलासुस्ती हुँदा ग्राहक तथा व्यवसायी दुवैले नै समस्या खेप्नुपर्ने अवस्था थियो ।

त्यस्तै, व्यवसायीलाई ग्राहकले कारोबार गरी स्क्रिनसट देखाएर विश्वास दिलाउनु पर्ने स्थिति थियो । उक्त स्क्रिनसट साँचो भएरनभएको पुष्टि गर्नका लागि व्यवसायीसँग पनि कुनै भरपर्दो तरिका थिएन। कुनै व्यवसायीहरूले आफ्नो कर्मचारी मार्फत व्यापार-व्यवसाय संचालन गर्दा कारोबार पूरा भए/नभएको यकिन गर्न समेत झन्झट हुन्थ्यो ।

प्रविधि लाई पछ्याउँदै नेचुरल साकोसले सहकारी क्षेत्रमै पहिलो पटक आवाजबाटै कारोबारको विवरण बताउने ‘इस्पिकर’ सेवा शुभारम्भ गरेको संस्थाका प्रमुख कार्यकारी विकल्प पाठकले बताए । प्रविधिमा नेचुरल सहकारी सधै एककदम अगाडी रहेको कुरा यसले समते पुष्टी गर्दछ ।

सदस्यहरुलाई प्रविधिमैत्री सेवा प्रदान गर्न संस्था तत्पर रहेको समेत पाठकले बताए ।