श्री अर्जुनदृष्टि सहकारीले तिरेन सहकारी बैंकको ऋण, सञ्चालकहरु कालो सूचिमा पर्दै

काठमाडौं : कलंकी-१४,  स्थित श्री अर्जुनदृष्टि बहुउद्देश्यीय सहकारी संस्थाले राष्ट्रिय सहकारी बैंकबाट लिएको कर्जा नतिरेपछि ३५ दिने सूचना जारी भएको छ । बैंकले आज कर्जा चुक्ता गर्ने बारे ३५ दिने सूचना जारी गरेको हो ।

३५ दिन भित्र साँवा, ब्याज र हर्जना रकम नतिरेमा धितो सुरक्षण वापतको सम्पत्ति लिलामी गर्ने बैंकले जनाएको छ । साथै संस्थाको सञ्चालक समिति तथा जमानीकर्तालाई कालो सूचिमा राखिने बैंकले जनाएको छ ।

सहकारीको अध्यक्षमा अर्जुन थापा, उपाध्यक्षमा दिपेन्द्र खड्का, सचिवमा मुधुसुदन चन्द ठकुरी, कोषाध्यक्षमा नरेश महर्जन रहेका छन् । त्यस्तै सदस्यहरुमा सकुन्तलामाया थापा, सुरज आले, कविता राना, तारा सुब्बा र जेनी जोशी रहेकी छिन् ।