विकू बचतका सदस्यलाई नारायणी सामुदायिक अस्पतालमा विशेष छुट

गैंडाकोट : विकू बचत तथा ऋण सहकारी संस्थाका सदस्यले नारायणी सामूदायिक अस्पताल, चितवनमा विशेष उपचार छुट पाउने भएका छन् । अस्पताल र विकू साकोसबिच सदस्यले स्वास्थ्य उपचारमा छुट पाउने सम्झौता भएको गरेको छ ।
अब विकू सहकारीका सेयर सदस्यले नारायणी सामुदायिक अस्पतालको स्वास्थ्य उपचारमा १७ प्रतिशत छुट पाउने संस्थाले जनाएको छ । विकू बचतको सदस्य भएको परिचय खुल्ने पासबुक, एटिएम, चेक बुक, विकू स्मार्ट बैकिङ एप्लीकेशनका आधारमा सो छुट सेवा पाउन सक्ने जनाइएको छ ।

त्यसै गरी सामान्य शैया, ल्याव परीक्षण, एक्सरे एवं भिडियो एक्सरे, ईसिजिमा र अन्य विशेष सेवाहरु जस्तै क्याबिन, आईसियु तथा आईसियु भेन्टिलेटर, अपरेशन, ईको, ईन्डोस्कोपीमा १७ प्रतिशत छुट प्राप्त गर्नेछन् । साथै आवश्यकता को आधार र समय समयमा सदस्य, सदस्यका परिवार र समुदायका न्यून आय तथा असाहाय व्यक्तिको स्वास्थ्य चेक चाँज तथा परार्मश सेवा प्रदान गरिने अस्पतालले जनाएको छ ।

नारायणी सामुदायिक अस्पताल भरतपुर १०, चौविसकोटी अस्पताल रोडमा रहेको छ ।